Haliti: Thaçi dhe Mustafa t’ia lidhin kryet kësaj pune

Nënkryetari i PDK-së, Xhavit Haliti, ka thënë se marrëveshja mund të finalizohet vetëm nga liderët e dy partive të koalicionit PDK-LDK, Hashim Thaçi e Isa Mustafa.

“Nuk ka marrëveshje pa qenë prezent dy liderët. Ndërsa harmonizimi i programeve besoj se është i përfunduar. Të tjerat janë çështje e negociatave që po zhvillojnë grupet përkatëse dhe po presim që të finalizohet marrëveshja”, ka thënë Haliti për “Zëri”.

“Nëse kryeministri Thaçi kthehet në kohë do të takohet së pari me grupin punues dhe pastaj me Isa Mustafën dhe të shohim se si po ia lidhin kokën kësaj pune”, ka deklaruar Haliti. /Zëri/