Haliti takon drejtuesit e policisë dhe Gjykatës në Viti

Viti – Në prag të përmbylljes së këtij viti, kryetari i komunës së Vitisë, Sokol Haliti dhe Kryesuesi i Kuvendit Komunal Naim Pira dhe të tjerë kanë zhvilluar sot një takim me Komandantin e Stacionit Policor në Viti, Agim Lipovica dhe Skënder Shefkiu, kryetar i Degës së Gjykatës Themelore në Viti.

Me këtë rast kryetari Haliti i ka falënderuar ata për bashkëpunimin me institucionet lokale të Vitisë, duke uruar që ky bashkëpunim të rritet edhe me tej në vitin vijues.

Po ashtu gjatë ditës së sotme, kryetari Haliti ka takuar edhe shërbyesit civil, konkretisht zyrtarët të cilët janë nën përkujdesjen e Zyrës së Kryetarit ku ai i falënderoj këta të fundit për bashkëpunimin dhe punën që po e bëjnë në të mirën e gjithë qytetarëve.

Ai gjithashtu i njoftoj ata edhe për planet e qeverisë komunale për vitin në vijim./rajonipress/