Haliti raporton para këshilltarëve komunal për punën gjashtë mujore

Viti – Kuvendi Komunal i Vitisë ka mbajtur seancën e gjashtë të rregullt ku janë diskutuar dhe votuar me shumicë votash disa pika të rëndësishme. Gjithashtu në këtë takim Kryetari i Komunës së Vitisë, Sokol Haliti ka raportuar mbi punën gjashtë mujore të qeverisë komunale.

Kuvendi ka aprovuar Kornizën Afatmesme Buxhetore te Komunës së Vitisë 2016-201, pastaj ka aprovuar planin e Veprimit për mbrojtje nga Zjarri në Komunën e Vitisë, shqyrtimi i Propozim Vendimit për formimin e komisionit për shqyrtimin e ankesave për dhënien në shfrytëzim dhe këmbimin e pronës komunale dhe Propozim Rregullorja për mënyrën e organizimit të korrje-shirjeve në Komunën e Vitisë.

Gjithashtu në këtë takim Kryetari i Komunës së Vitisë, Sokol Haliti ka raportuar mbi punën gjashtë mujore të qeverisë komunale.

Po ashtu para këshilltarëve janë paraqitur edhe dy informata. E para ka të bëjë me ndarjen e bursave të studentëve për vitin akademik 2014-2015 ndërkaq e dyta lidhur me vendosjen e ormanëve elektrik nga ana e KEDS-it në shtyllat elektrike.

Ndonëse gjatë kësaj seance ishte diskutuar edhe rreth Propozim Vendimit për transferin e mjeteve buxhetore nga kategoria ekonomike subvencione dhe transfere në kategorinë ekonomike pasuri jo financiare në të njëjtën program kjo pikë nuk gjeti mbështetjen e shumicës së këshilltarëve të Kuvendit./rajonipress/