Haliti priti në vizitë Ambasadorin Hungarez, László Márkusz

Viti – Kryetari i Komunës së Vitisë, Sokol Haliti si dhe Kryesuesi i Kuvendit Komunal, Naim Pira kanë pritur sot në takim ambasadorin hungarez në Kosovë, László Márkusz, me të cilin ka zhvilluar një takim të përbashkët ku kryetari Haliti e njoftoj atë për zhvillimet e përgjithshme në këtë komunë në veçanti për mundësinë që ofron ajo për zhvillimi ekonomik dhe bujqësor.

Pas këtij takimi ata kanë vizituar kishin katolike në Letnicë ku u njohën nga prijësit fetar mbi historinë e këtij objekti fetar ku humanistja shqiptare Nëna Terezë morri thirrjen për të shërbyer si murgeshë dhe për të ndihmuar të varfëritë.

Ata gjithashtu vizituan edhe objektin e shkollës e parë shqipe muze në Stubëll e Epërme, ku në kuadër të një projekti të përbashkët në mes MKRS-së dhe Komunës së Vitisë është duke u bërë restaurimi i këtij objekti të rëndësishëm me vlerë historike.

Pas vizitës së ambasadorit Márkusz, Kryetari i Komunës së Vitisë, Sokol Haliti tha se kjo komunë ka pasur nderin që për vizitë të ketë ambasadorin e shtetit Hungarez me të cilin sipas tij ka biseduar për çështje të ndryshme me interes për qytetarët e komunës së Vitisë. “Kemi biseduar për tema të ndryshme që janë në interes të komunës sonë, për zhvillimin ekonomik, bujqësinë për çështjet kulturore-sportive pasi që sot vizituan edhe vendet kulturore historike në Stubëll dhe Letnicë. Gjithashtu e kam njoftuar atë për sektorët dhe nënsektorët në fushën e bujqësisë për të cilët besoj fuqishëm se mund të bashkëpunojmë në të ardhmen “ u shpreh Haliti.

Ai tha se gjatë këtij takimi është biseduar edhe për mundësinë e bashkëpunimit të kësaj komune me Odën Ekonomike Hungareze, kreditë hungareze por edhe për mundësitë e shkëmbimit të vizitave në mes të dy vendeve. Haliti tha se me qenë se kjo komunë po tregohet e suksesshme në raportet e ndryshme vizitat e ambasadorëve të shteteve të huaj janë gjithnjë e më të shpeshta.

Në fund të këtij takimi Kryetari Haliti dhe Ambasadori Márkusz shkëmbyen dhurata simbolike. Po ashtu ata gjatë ditës së sotme ata kanë vizituar kishin katolike në Letnicë, ku u njohën nga prijësit fetar mbi historinë e këtij objekti fetar ku humanistja shqiptare Nëna Terezë morri thirrjen si murgeshë dhe për të ndihmuar të varfëritë por edhe për festën e njohur të përvitëshmë që mbahet në Letnicë e njohur si “ Zonja e Letnicës” festë kjo që grumbullon pelegrinë nga vendet e shteteve të ndryshme.

Ata gjithashtu vizituan edhe objektin e shkollës e parë shqipe-muze në Stubëll e Epërme, ku në kuadër të një projekti të përbashkët në mes MKRS-së dhe Komunës së Vitisë është duke u bërë restaurimi i këtij objekti të rëndësishëm me vlerë historike./rajonipress/