Haliti priti në takim udhëheqësit e drejtorisë rajonale të policisë në Gjilan

Viti – Partneriteti mes Institucioneve komunale të Vitisë dhe policisë, ka qenë dhe mbetet një shtyllë e fortë e bashkëpunimit të ndërsjellët mes të dyja këtyre mekanizmave. Kështu u vlerësua në takimin e sotëm të kryetarit të komunës Sokol Haliti, i cili priti në takim kolonel Agron Rukiqin drejtor i policisë rajonale në Gjilan, i shoqëruar edhe nga zv.drejtorin e policisë Shaban Azizi, Avni Oruqi-shef i operatives, si dhe zëdhënësin e policisë rajonale Ismet Hashani.

Në këtë takim u bisedua për zhvillimet e gjithëmbarshme në komunën e Vitisë, me theks të veçantë në aspektin e sigurisë, sfidat dhe rezultatet por edhe planet për të ardhmen.

Haliti, ka shpreh falënderime për pjesëtarët e policisë në Viti, dhe ka lavdëruar ata për punën dhe përkushtimin e treguar në situata të ndryshme, më konkretisht edhe gjatë periudhës së pandemisë, ku së bashku me autoritetet komunale, institucionet shëndetësore etj, edhe policia kanë qenë pjesë e shtabit emergjent dhe në vëzhgim të situatës epidemiologjike.

Udhëheqësit e drejtorisë rajonale të policisë, kanë shprehur gatishmërinë e bashkëpunimit edhe më tej me Institucionet komunale të Vitisë./rajonipress/