Haliti priti në takim prijësit e institucioneve fetare
Viti – Në prag të përmbylljes së këtij viti, Kryetari i Komunës së Vitisë, Sokol Haliti priti në takim sot përfaqësuesit e institucioneve fetare të Vitisë. Gjatë këtij takimi kryetari Haliti u shpreh se Vitia përpos që gjithmonë ka qenë një vend i paqes dhe i respektimit të tolerancës fetare dhe ndëretnike ajo ka respektuar dhe kultivuar diversitetin fetar, kulturor dhe ndëretnike në këtë komunë.
Në këtë takim kanë marrë pjesë: Imam Husamedin Hoxha, Kryetar i Bashkësisë Islame-Dega në Viti, Dom Albert Jakaj dhe Kristë Gjergji nga Kisha Katolike si dhe Zvonko Kostiç prijës i kishës Ortodokse Serbe në Viti.
Kryetari Haliti gjatë këtij takimi i ka apeluar prijësit fetar që të lobojnë tek komunitetet fetare që të ruhet dhe kultivohen vlerat e respektit ndaj njëri tjetrit dhe që punojnë bashkërisht me institucionet lokale dhe qendrore në të mirën e përbashkët./rajonipress/