Haliti për mërgimtarët: Ju jeni pjesë e pandashme e komunës së Vitisë dhe gjithë Kosovës

Viti – Qeverisja lokale në Viti, është e vetëdijshme se pa marrë parasysh se sa larg jeni nga vendlindja, gjithmonë me zemër e me shpirt fisnik jeni pranë atdheut, familjes dhe bashkëvendëseve tuaj edhe për vendin të cilën keni kontribuar dhe vazhdoni të kontribuoni pa u lodhur dhe me plotë dashuri dhe përkushtim. Prandaj për këtë ne ju jemi mirënjohës përjetësish secilit prej jush, por edhe të atyre para jush thuhet në urimin e Sokol Halitit për mërgimtarët.

Postimi i plotë:

Të dashur bashkatdhetarë mirë se vini në atdheun tuaj!
Në emër të qytetarëve të komunës së Vitisë, por edhe në emrin tim personal, dua të falënderoj secilin prej jush që kohën tuaj të çmuar të pushimeve keni zgjedhur të kaloni në vendlindjen dhe atdheun tuaj.

Pra keni zgjedhur vendin të kaloni pushimet tuaja pasi që këtu shpirti juaj gjen qetësinë, rehatin dhe kënaqësinë pranë familjes, miqve, dhe më të dashurit tuaj.

Ju jeni pjesë e pandashme e komunës së Vitisë dhe gjithë Kosovës, mirë se keni ardhur dhe mirë se vini në vendlindjen dhe atdheun tuaj të çmuar.

Qeverisja lokale në Viti, është e vetëdijshme se pa marrë parasysh se sa larg jeni nga vendlindja, gjithmonë me zemër e me shpirt fisnik jeni pranë atdheut, familjes dhe bashkëvendëseve tuaj edhe për vendin të cilën keni kontribuar dhe vazhdoni të kontribuoni pa u lodhur dhe me plotë dashuri dhe përkushtim. Prandaj për këtë ne ju jemi mirënjohës përjetësish secilit prej jush, por edhe të atyre para jush.

Të dashur bashkatdhetarë
Komuna e Vitisë, me qëllim që pushimet tuaja të jenë sa më të mira dhe të rehatshme në vendlindje ne kemi rritur kapacitetet tona, që të ju ofrojmë kushte e shërbime sa më të mira. Ndërsa me 1 gusht së bashku do ta festojmë ditën e mërgimtarëve dhe atë me aktivitete të shumta.

Jemi dëshmitarë që prania juaj edhe më shumë po gjallëron qytetin dhe komunën tonë, prandaj uroj që secili prej jush të kaloni sa ma mirë pranë nesh!

Ju falënderoj juve për qëndrimin tuaj në vendlindje dhe ju bëjë me dije se ju gjithmonë jeni të mirëseardhur në Viti.

Ju faleminderit dhe paçi pushime sa më të këndshme!