Haliti para Asociacionit të Komunave të Kosovës paraqet nevojën e komunave për prona në interes të qytetarëve

Viti – Kryetari i Komunës së Vitisë, Sokol Haliti ka marrë sot pjesë në takimin e Asociacionit të Komunave në përbërje të këshillit të kryetarëve.

Me këtë rast u diskutua rreth legjislacionit dhe çështjeve që kanë të bëjnë me pronat dhe nevojat e komunave për prona.

Diskutimi mbi këtë çështje ka ardhur me nismën e kryetarit të Komunës së Vitisë, Sokol Haliti i cili në këtë takim ku kanë marrë pjesë edhe Kryetari dhe disa anëtarë të bordit të AKP-së paraqiti nevojat e komunave, në veçanti atë të komunës së Vitisë, për prona me qëllim të realizimit të projekteve të ndryshme në interesin e përgjithshëm të qytetarëve./rajonipress/