Haliti nënshkruan një memorandum bashkëpunimi me organizatën PEN

Viti – Kryetari i Komunës së Vitisë, Sokol Haliti ka pritur sot në takim përfaqësues të organizatës PEN, në krye me drejtorin e kësaj organizate, z. Bujar Fejzullahu.

Gjatë këtij takimi ata kanë nënshkruar një memorandum bashkëpunimi ku ndër tjerash parashihet rritja e numrit të grave në vendimmarrje lokale dhe avokimim me qëllim të përfshirjes së grave në Këshillat e fshatrave.

Ky bashkëpunim realizohet në kuadër të projektit “Të Veprojmë për Barazi” i cili mbështetet nga Departamenti Amerikan i Shtetit. Të dy palët janë pajtuar se ky projekt është shumë i rëndësishëm në fushën e barazisë gjinore./rajonipress/