Haliti nënshkruan Kartën e Energjisë

Viti – Kryetari i komunës së Vitisë Sokol Haliti, ka pritur në takim përfaqësuesin e GIZ-it gjerman Maliq Pireci, Projekti i Kosovës për Efiçiencë të Energjisë (KEEP) për Krijimin e Sistemit të Menaxhimit të Energjisë në Nivel lokal, me që rast edhe ka nënshkruar Kartën e Energjisë, e cila ka për qëllim, promovimin në mënyrë aktive të efiçiencs së energjisë, energjinë e ripërtritshme dhe menaxhimin e energjisë, si në ndërtesa dhe sisteme të shërbimeve, në shtëpi dhe në sektorin e biznesit.

Përmes nënshkrimit të kësaj karte, kryetarët e 36 komunave të Kosovës pajtohen që të përqendrohen dhe angazhohen për të siguruar një të ardhme më të mirë dhe më të qëndrueshme energjetike në qytetet e Kosovës dhe për të mirën e të gjithë qytetarëve. Njëherit, ata pajtohen që të rrisin efikasitetin e energjisë , përdorimin e burimeve të ripërtritshme, dhe do të menaxhojnë sistematikisht përdorimin e energjisë nëpër komuna. Kjo do të stimulojë krijimin e vendeve të punës, zhvillimin ekonomik rajonal dhe rritjen e sigurisë së furnizimit me energji./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).