Viti – Sokol Haliti në një takim që ka pasur me elektoratin e LDK në Kabash ka thënë se qytetarët vitias i kanë disa arsye për ta votuar edhe kësaj radhe LDK dhe kandidatët e saj. Ne kemi punuar në çdo cep të Vitisë dhe ia kemi kthyer dinjitetin komunës ka thënë Haliti.
Gjatë një takimi që ka pasur me elektoratin e LDK-së në fshatin Kabash, Sokol Haliti ka thënë se Vitia ka shumë arsye të forta që edhe kësaj radhe të votojë kandidatët më të mirë të LDK-së për këtë qytet. “Sondazhet nuk i sjellin votat, votat i sjell puna e mirë që e kemi treguar tash e sa vite. Ne kemi investuar dhe kemi prekur në çdo cep, në qytet e fshatra” ka thënë Haliti.
Haliti ka thënë se LDK-ja në Viti ia ka kthyer dinjitetin komunës, duke u treguar e përgjegjshme në punë dhe transparente në llogaridhënie./rajonipress/
