Haliti në finalen e Ligës së Kampionëve të Azisë
RajoniPress
14:33, 2 Tetor, 2014
Sulmuesi kosovar Labinot Haliti ka kontribuar me një asistim në fitoren e Sydney Wanderers ndaj Seoulit me rezultatin 2:0. Haliti asistoi për golin e dytë të shënuar në minutën e 64-t.
Ndeshja kthyese gjysmëfinale e Ligës së Kampionëve të Azisë u zhvillua të mërkurën. Me këtë fitore Wanderers i Halitit u kualifikua në finale të Ligës së kampionëve të Azisë, pasi ndeshja e parë në Kore të Jugut u mbyll pa fitues.
Haliti në gjysmëfinale luajti gjatë gjithë ndeshjes. Për Halitin, 28-vjeçar, kjo është hera e parë në karrierën e tij që gjendet në një garë të madhe të nivelit të klubeve.
© KOHA.net
