Haliti nderohet me titullin “Ambasador i Paqes“ nga Komiteti Botëror për Paqe

Viti – Kryetari i Komunës së Vitisë, Sokol Haliti është nderuar sot me titullin Ambasador i Paqes nga Komitetit Botëror i Paqes. Certifikatën e këtij titulli të lëshuar nga Presidenti i Komitetit Botëror të Paqes, Djuyoto Sunfam, ju është dorëzuar sot kryetarit Haliti nga përfaqësuesi i këtij komiteti Rabit Sadiku.

“Sot kam nderin të ja dorëzoj kryetarit Haliti certifikatën me titullin Ambasador i Paqes. Me të vërtetë kryetari Haliti ka bërë një punë të mirë për qytetarët që duhet vlerësuar” u shpreh Sadiku.

Ndërkaq Kryetari Haliti theksoj se këtë çmim ja dedikon të gjithë bashkëpunëtorëve të tij.

“Ndihem i nderuar për këtë vlerësim që më është bërë nga Komiteti Botëror i Paqes. Atë ja dedikoj të gjithë bashkëpunëtorëve që kanë punuar në të mirën e qytetarëve tanë. Titujt si ky na japin forcë që të vazhdojmë edhe në të ardhmen me punë të mira në interes të komuniteteve” u shpreh Haliti.

Përndryshe në ndarjen e këtij titulli ka marrë pjesë edhe Tahir Shabani, Ambasador Nderi dhe Komisioner i Lartë për Paqen Botërore si dhe Kryetar i Shoqatës së Miqësisë Franko – Shqiptare./rajonipress/