Haliti mori pjesë në konferencën për fuqizimin e grupeve sociale në viset rurale

Viti – Kryetari i komunës së Vitisë Sokol Haliti, ka marrë pjesë sot në konferencë të përfaqësuesve të disa komunave të Kosovës, ku është diskutuar lidhur me projektin “Fuqizimi socio ekonomik i grupeve të cenueshme sociale në Kosovë”.

Projekti ka për qëllim përfshirjen e kategorive të cenuara sociale që jetojnë në viset rurale, respektivisht familjet me të ardhura të pakta, gra vet ushqyese dhe anëtar nga komuniteti jo shumicë në vise rurale të komunave : Viti, Prizren, Dragash,Mitrovicë e Vushtrri.

Kryetari i komunës Sokol Haliti, duke njoftuar rreth angazhimeve të Institucioneve komunale në përmirësimin e jetës dhe promovimin e sipërmarrjeve të vogla, ka thënë se në vazhdimësi ka mbështetur idetë dhe projektet që kanë të bëjnë me këto fusha dhe njiherit ka premtuar se do të mbetet i përkushtuar për të fuqizuar edhe iniciativat e shoqatat e grave të cilat deri më tani kanë pasur mbështetjen institucionale.

Objekti i përgjithshëm i projekti është të përmirësoj cilësinë e jetës dhe të kontribuojë në promovimin e sipërmarrjeve të vogla familjare në vend, si një mjet për fuqizimin e grave dhe familjeve sociale të rrezikuara që njëkohësisht edhe të kontribuojë në rritjen ekonomike të Kosovës.

Sipas organizatorëve, qëllimi i konferencës ishte që të paraqes arritjet e projektit dhe për të diskutuar sfidat në të ardhmen. Projekti që financohet nga Bashkimi Evropian dhe implementohet nga KHCS Nëna Terezë në partneritet me Qendrën për Mbrojtjen e Grave dhe Fëmijëve në Prishtinë, mbështet në mesin e përfituesve të saj të paktën 20 % të grupeve minoritare në zonën e synuar dhe 30 % të grave në familje./rajonipress/