Haliti me urime të përzemërta për fitoren e parë të sezonit, KF “Vllaznia” – Pozheran!

Viti – KF “Vllaznia” – Pozheran ka nisur mbarë sezonin 2025/26 në Ligën e Dytë të Futbollit të Kosovës, duke e mposhtur KF Dukagjinin me rezultat bindës 3:0 në shtëpi ka shkruar Sokol Haliti.

Postimi i plotë:

Sot dua t’i përgëzoj lojtarët tanë për suksesin e arritur dhe jemi krenarë për këtë fitore plotësisht të merituar. Ajo që e bën edhe më të veçantë këtë triumf është fakti se në të po spikatin lojtarë vendas, djem të komunës sonë, të cilët po tregojnë disiplinë, përkushtim dhe shpirt garues.

Me këtë qasje, besoj fuqishëm se KF “Vllaznia” do të rikthehet me hapa të sigurt në Ligën e Parë. Në këtë rrugëtim, përveç përkrahjes së Tigrave tanë besnikë, ekipi do ta ketë edhe mbështetjen time të plotë dhe të komunës.

Njëkohësisht, dua të ju njoftoj se shumë shpejt do të fillojmë punimet për rregullimin e tribunave dhe stadiumit. Edhe pse kemi hasur në sfida dhe bllokada, me bashkëpunimin dhe përkrahjen tuaj të sinqertë do t’i tejkalojmë edhe ato.

Forca Vllaznia!