Haliti me gëzim ndan lajmin me qytetarët për shërimin e 22 vitiasve nga Koronavirusi

Viti – Kryetari i Komunës së Vitisë Sokol Haliti ka njoftuar se duke u bazuar në njoftimet nga Instituti Kombëtar i Shëndetit Publik të Kosovës, 22 persona nga kjo komunë janë shëruar nga Koronavirusi. Sipas njoftimit, mostrat e tyre në testin e dytë që iu bë sot, dolën negative.

Haliti shprehet i lumtur dhe me gëzim e ndan këtë lajm të mirë me bashkëqytetarët e tij.

Ai, të shëruarve iu ka uruar shëndet të plotë, kurse atyre qê akoma nuk e kanë kaluar gripin, shërim të shpejtë.

Megjithatë, ai bën thirrje për kujdes, sepse sëmundja nuk është mposhtur plotësisht.
Nga 53 të infektuar në Komunën e Vitisë, deri tani 42 janë shëruar./rajonipress/