Haliti: Lidhja rrugore midis fshatrave ka qenë dhe do të mbetet prioriteti im kryesor

Viti – Lidhja rrugore midis fshatrave ka qenë dhe do të mbetet prioriteti im kryesor, pasi ajo është themel për zhvillimin, lehtësimin e jetës së banorëve dhe forcimin e lidhjeve mes qytetarëve ka shkruar Sokol Haliti.

Gjithashtu Haliti ka thënë se pastrimi i lumit Morava dhe i gjithë lumenjve e përrockave në territorin e Vitisë ka dhënë rezultat!
“Vitia nuk është më në top lajme për shkak të dëmeve nga uji. Ekonomitë familjare dhe tokat tona bujqësore janë sot më të sigurta” ka thënë kreu vitias.

Ndërsa Jakup Haxhiu shef i kabinetit ka shkruar se kur është fjala te lidhja rrugore mes fshatrave në Komunën e Vitisë, qytetarët duhet ë dijnë se:
Nëse nisesh prej Nasales së Gjilanit, rruga të çon përmes:
Remnik – Gjylekar – Verbovc (Komuna e Kllokotit) – Ramnishtë – Beguncë – Kabash – Smirë – Goshicë – Verban, dhe përfundon në Begracë të Kaqanikut e prej Begracës shkon edhe në Ferizaj!
E gjitha kjo nëpër rrugë të asfaltuara, falë angazhimit dhe investimeve të kryetarit Sokol Haliti.
Dmth, nga Gjilani në Kaqanik mund të mbërrish pa kaluar fare nëpër qytetin e Vitisë ka shkruar Haxhiu./rajonipress/