Haliti kërkon që shkolla teknike të jetë gati për këtë vit

Viti – Kryetari i Komunës së Vitisë, Sokol Haliti së bashku me kabinetin e tij, Këshillin e Drejtorëve, Kryesuesin e Kuvendit Komunal Naim Pira kanë vizituar sot punimet që janë duke u zhvilluar në ndërtimin e shkollës së mesme teknike në Viti.

Haliti tha se ka kërkuar që punimet të përfundojnë deri me 1 shtator kur edhe fillon procesi arsimor.”Ne jemi të përkushtuar që fëmijët tanë të kenë kushte më të mira për mësim dhe krejt këtë po e bëjmë që ata të ndihen komod gjatë procesit mësimor. Infrastruktura dhe investimet që po bëjmë janë dëshmi se procesi mësimor në Viti do të jetë më i konsoliduar se më parë” ka thënë Haliti./rajonipress/