Haliti interesohet rreth disa projekteve kapitale që janë në realizim e sipër

Viti – Kryetari i Komunës së Vitisë, Sokol Haliti me bashkëpunëtor ka vizituar sot disa fshatra të kësaj komune ku janë duke u zhvilluar projekte të ndryshme kapitale e ndër to ata panë për së afërmi punimet që janë duke u zhvilluar në ndërtimin e objektit të Mjekësisë Familjare në Pozheran por edhe objektin e ri të shkollës fillore në Ballancë e cila është në ndërtim e sipër.

Gjithashtu, Haliti dhe bashkëpunëtorët e tij vizituan edhe shkollën fillore në Zhiti ku u njohën për së afërmi me kushtet ku këta nxënës e zhvillojnë mësimin.

Po ashtu sot ata kanë vizituar edhe punimet që kanë filluar ditë më parë në ndërtimin e një ure të re në afërsi të xhamisë së qytetit dhe të argjinaturave të shtratit të lumit, mureve mbrojtëse dhe ndriçimit përskaj deri në urën që gjendet afër kishës ortodokse serbe./rajonipress/