Haliti inspekton projektet në realizim e sipër

Viti – Kryetari i Komunës së Vitisë, Sokol Haliti ka qëndruar sot në fshatin Trestenik të Vitisë ku ka inspektuar për së afërmi punimet që janë duke u zhvilluar në ndërtimin e rrjetit të kanalizimit të këtij fshati.

Me këtë rast ai është takuar edhe me disa nga banorët e këtij lokaliteti ku është interesuar rreth punëve që po bënë kompania e kontraktuar në ndërtimin e rrjetit të kanalizimit të fshatit Trestenik e cili po financohet me mjete vetanake të komunës.

Ai po ashtu ka vizituar edhe fermën Nazim Kurteshit i cili i ka mbi 100 krerë lopë ku u njoh për së afërmi me veprimtarinë me të cilën po merret ky fermerë. Haliti gjatë këtij takimi tha se fermerët të vyeshëm si Nazim Kurteshi po kontribuojnë në zbutjen e papunësisë por edhe në zhvillimin ekonomik të Komunës së Vitisë.

Po ashtu sot Kryetari Haliti në shoqërimin e Kryesuesit të Kuvendit Komunal të Vitisë, Naim Pira kanë inspektuar edhe punimet në ndërtimin e ambulantes se re në fshatin Pozheran të Vitisë njëkohësisht ata kanë inspektuar edhe vend punishte të tjera./rajonipress/