Haliti i LDK-së merr përkrahje të madhe në Stubëll
Gjilan – Çelësi për sukses në komunën tuaj është Sokol Haliti dhe lista e kandidateve për asambliste, prandaj me 3 nëntor dilni masovikisht në votime dhe votoni numrin 78 – LDK-në dhe Sokol Halitin për kryetar ka thënë Anton Quni.
Në tubimin e pa parë deri më tani për nga masoviteti në Stubell të Vitisë të pranishmit në emër të Akademik Isa Mustafes i përshëndeti deputeti i Parlamentit të Kosovës zoti Anton Quni.
Ai në fjalën e tij tha se është kënaqësi të jesh në Stubllen e Dom Mikel Tarabolluzit.
“Me votën tuaj ju do të tregoni se keni qenë dhe do të jeni ushtarë të Ibrahim Rugovës, sepse këtë e tregon ky masovitet e sidomos kjo pjesëmarrje kaq e madhe e të rinjve.
Çelësi për sukses në komunën tuaj është Sokol Haliti dhe lista e kandidateve për asambliste, prandaj me 3 nëntor dilni masovikisht në votime dhe votoni numrin 78 – LDK-në dhe Sokol Halitin për kryetar ka thënë Anton Quni.
Pas tij në foltore me duartrokitje të mëdha u prit kandidati i LDK-së për kryetar komune Sokol Haliti.
Ai Stubllasve u premtoi rregullimin e rrugës, kthim të dinjitetit të qytetarëve, arsimtarëve, por edhe rinisë stubllane u premtoi përkrahje në aktivitetet e tyre rinore.
Stublla do ta ketë vendin e merituar në draft strategjinë e tij për mandatin 4 vjeçar.
Të pranishmit me një fjalë rasti i përshëndeti edhe Sare Gjergji nga PDKI, i cili u bëri apel stubllasve që të votojnë Sokol Halitin për kryetar dhe listën e LDK-së thuhet në njoftimin e degës së LDK-së në Viti./rajonipress/