Haliti: Gursel e Bajram Sylejmani ishin bij të këtij vendi që dashurinë për atdhe e vunë mbi gjithçka

Viti – Vepra dhe emri i tyre nuk janë vetëm kujtim, por dritë e udhërrëfyes për brezat që vijnë. Ata jetojnë në çdo zemër që e do lirinë, në çdo hap të tokës për të cilën dhanë gjithçka ka thënë Sokol Haliti.

Postimi i plotë:

Në përkujtim të veprës së Gursel e Bajram Sylejmanit, sot ndalemi me respekt e mall përballë sakrificës së tyre të pashoqe.

Ata ishin bij të këtij vendi që dashurinë për atdhe e vunë mbi gjithçka, duke na lënë një trashëgimi të çmuar: shembullin e guximit, besës dhe përkushtimit deri në fund.

Vepra dhe emri i tyre nuk janë vetëm kujtim, por dritë e udhërrëfyes për brezat që vijnë. Ata jetojnë në çdo zemër që e do lirinë, në çdo hap të tokës për të cilën dhanë gjithçka.

Lavdi e përjetshme Gursel e Bajram Sylejmanit, emra që rrinë të gdhendur në shpirtin e kombit tonë!

Lavdi të gjithë dëshmorëve të kombit, atyre që nuk kursyen asgjë për liri, dinjitet e për të ardhmen tonë./rajonipress/