Haliti: Fitorja jonë u vulos përfundimisht, përpara, me dinjitet, me punë dhe me vendosmëri të palëkundur!

Viti – Pas votave të mërgatës, votave të personave me nevoja të veçanta, dhe votave me kusht, vullneti juaj foli edhe më fuqishëm, duke e mbyllur këtë kapitull me dinjitet, vendosmëri dhe me besim të madh në punën tonë ka shkruar Sokol Haliti.

Postimi i plotë:

Një falënderim i veçantë shkon për mërgatën tonë të jashtëzakonshme. Ju, që jeni larg por e mbani Vitinë në zemër, dhatë verdiktin tuaj dhe e kthyet këtë fitore në një mesazh të kristaltë: puna, përkushtimi dhe serioziteti triumfojnë mbi gjithçka tjetër.

Faleminderit çdo qytetari që besoi, çdo familjeje që na mbështeti, çdo të riu e të reje që qëndroi i palëkundur përpara zhurmës. Kjo është fitore e guximit, e karakterit dhe e punës së ndershme.
Tani ecim më të fortë e më të bashkuar. Vitia meriton vetëm punë dhe rezultate, dhe këtë do ta japim çdo ditë.

Përpara, me dinjitet, me punë dhe me vendosmëri të palëkundur!