Haliti: Do të vazhdojmë me disiplinë financiare

Viti – Ne jemi të përkushtuar të vazhdojmë me disiplinë financiare me qëllimin më të mirë të shfrytëzimit së më të drejtë të parave të taksapaguesve tanë, u shpreh Sokol Haliti.

Kryetari i Komunës së Vitisë, Sokol Haliti dhe, Hajrush Kurteshi, Koordinator për bashkëpunim me projektin “ Komuna Transparente, Efektive dhe Llogaridhënëse” nga Komuna e Vitisë kanë pritur sot në takim, Ekspertin e Auditimit, Genc Rraci, si përfaqësues në kuadër të programit USAID TEAM.

Gjatë këtij takimi është biseduar për arritjet e Komunës së Vitisë për raportin e auditimit nga Zyra Kombëtarë e Audititmit dhe zbatimit të rekomandimeve nga Komuna e Vitisë përmes Planit të Veprimit të Zbatimit të Rekomandimeve. Ndërkaq në këtë takim Kryetari Haliti potencoi se Komuna e Vitisë, disa herë radhazi ka qenë ndër komunat e pakta në Kosovë që ka pasur raportin e pamodifikuar nga Auditori i Jashtëm. “Komuna e Vitisë është vlerësuar disa herë pozitivisht nga Raporti i Auditorit të Jashtëm duke marrë opinionin e pamodifikuar. Megjithatë ne jemi të përkushtuar të vazhdojmë me disiplinë financiare me qëllimin më të mirë të shfrytëzimit së më të drejtë të parave të taksapaguesve tanë”, u shpreh Haliti.

Haliti potencoi se pasi që kjo komunë ka pranuar Raportin e Auditorit të Jashtëm për vitin 2018 ata kanë përgatitur edhe Planin e Veprimit për zbatimin e Rekomandimeve të marra nga ky raport.

Ndërsa shtoj se kjo komunë ka marrë veprime konkrete për zbatimin e rekomandimeve të marra.

Ndërkaq Kryetari Haliti falënderoj projektin USAID TEAM për mbështetjen e vazhdueshme dhe shtoj se kjo komunë do të vazhdoj të bashkëpunoj me këtë projekt të rëndësishëm./rajonipress/

Shpërndaje.
© RAJONIPRESS