Haliti dhe Lekaj nënshkruajnë marrëveshje mirëkuptimi për rrugën alternative te Stubllës së Epërme dhe për rrugën e Korbliqit

Kryetari i Komunës së Vitisë, Sokol Haliti është pritur sot në takim nga Ministri i Infrastrukturës dhe Transportit të Republikës së Kosovës, z. Pal Lekaj.

Me këtë rast është bërë edhe nënshkrimi i marrëveshjes së bashkëpunimit në mes të Komunës së Vitisë dhe Ministrisë së Infrastrukturës dhe Transportit për mbështetjen e projektit për rrugën alternative në fshatin Stubëll së Epërme dhe për rrugën e Korbliqit.

Kryetari i Komunës së Vitisë, Sokol Haliti tha se realizimi i këtyre projekteve infrastrukturore janë me rëndësi të veçantë për këtë komunë dhe falënderoj këtë ministri për gatishmërinë e realizimit të këtyre projekteve. “Këto dy projekte kanë një rëndësi të veçantë për qytetarët tanë pasi që ato krijojnë lëvizjen e lirë të qytetarëve. Për gatishmërinë në realizimin e këtij projekti dua të falënderoj Ministrin e Infrastrukturës dhe Transportit dhe shpresoj se realizimi i këtyre projekteve do të bëhet sa më parë”, u shpreh Haliti.

Ai megjithatë tha se kjo komunë ka edhe nevoja të tjera në realizimin e projekteve infrastrukturore dhe u shpreh se beson se niveli qendror do ta ndihmojnë këtë komunë në realizimin e projekteve infrastrukturore./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).