Haliti dhe Demiri nënshkruan një marrëveshje të mirëkuptimit për bashkëfinancimin e projektit “Riparimi i rrugës Sadovinë e Jerlive-Vërban”

Viti – Kryetari i Komunës së Vitisë, Sokol Haliti dhe Ministri i Zhvillimit Rajonal (MZHR), Rasim Demiri kanë nënshkruar sot një marrëveshje mirëkuptimi për bashkëfinancimin e projektit “Riparimi i rrugës Sadovinë e Jerlive- Vërban”.

Sipas kësaj marrëveshje projekti në fjalë do të realizohet me bashkëfinancim të Komunës së Vitisë dhe Ministrisë së Zhvillimit Rajonal të Republikës së Kosovës, ndërkaq vlera e realizimit të këtij projekti infrastrukturor sipas para llogaritjeve do të shkoj në mbi 96 mijë euro.

Duke u bazuar në këtë marrëveshje MZHR nga buxheti i saj vjetor të këtij viti do të financon këtë projekti në shumën prej 80 mijë euro kurse pjesa tjetër prej 16.128.00 euro do të mbulohen nga buxheti i komunës së Vitisë.

Me këtë rast Haliti ka falënderuar MZHR-në për gatishmërinë e financimit të këtij projekti. “ Dua të falënderoj Ministrinë e Zhvillimit Ekonomik të Republikës së Kosovës, z. Rasim Demiri për gatishmërinë që ka ministria që ai drejton që të financoi këtë projekt të rëndësishëm infrastrukturor për banorët e komunës së Vitisë, në veçanti të fshatrave Sadovinë e Jerlive dhe Vërban”, u shpreh Haliti pas nënshkrimit të kësaj marrëveshje./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).