Halimi i gatshëm për ndeshjen kundër Kroacisë

Besar Halimi është i gatshëm për ndeshjen kualifikuese ndaj Kroacisë.

Pas paraqitjeve të mira me skuadrën e Brondbyt, Besar Halimi është kthyer në Kombëtaren e Kosovës për dy ndeshjet kualifikues për Kupën e Botës ndaj Kroacisë dhe Finlandës.

Halmi thotë se ai është i gatshëm për ndeshjen e parë ndaj Kroacisë.

“I gatshëm për ndeshjen e radhës ndaj Kroacisë, shpresojmë në një rezultat të mirë”, ka shkruar Halimi në Facebook.

Ndeshja e parë ndaj Kroacisë do të zhvillohet më 2 shtator në Maksimir, ndërsa kundër Finlandës më 5 shtator në Shkodër. /Express/