Haki Huruglica viziton kompaninë “Fundamenti”, vlerëson kontributin e biznesit vendor në zhvillimin ekonomik dhe punësim

Gjilan – Drejtori komunal Haki Huruglica ka vizituar kompaninë “Fundamenti” në Gjilan, ku është pritur nga pronari i saj, Bashkim Halili. Gjatë vizitës, ai është njohur nga afër me veprimtarinë, zhvillimin dhe kapacitetet prodhuese të kësaj kompanie, e cila prej më shumë se dy dekadash operon me sukses në përpunimin e granitit, mermerit, quartz-it dhe keramikës. “Fundamenti” nuk është thjesht një kompani e suksesshme në industrinë e përpunimit të granitit, mermerit, quartz-it dhe qeramikës; ajo është një histori e ndërtuar mbi vizionin, cilësinë dhe përkushtimin e pandërprerë ndaj standardeve më të larta profesionale.

Huruglica vlerësoi se “Fundamenti” përfaqëson një histori të suksesshme të sipërmarrjes vendore, duke theksuar se investimet e vazhdueshme në teknologji moderne dhe zgjerimi i kapaciteteve prodhuese e kanë bërë kompaninë një nga shembujt më të mirë të zhvillimit të biznesit në rajon.

Aktualisht, kompania punëson rreth 65 punëtorë dhe vazhdon të investojë në avancimin e teknologjisë dhe rritjen e cilësisë së produkteve të saj, duke kontribuar njëkohësisht në fuqizimin e ekonomisë lokale dhe krijimin e vendeve të reja të punës.

“Biznese si ‘Fundamenti’ janë shtyllë e zhvillimit ekonomik dhe e krijimit të vendeve të punës. Angazhimi ynë mbetet të krijojmë kushte sa më të mira për sektorin privat, duke mbështetur ata që investojnë, prodhojnë dhe kontribuojnë çdo ditë në zhvillimin e vendit”, ka deklaruar drejtori Haki Huruglica.

Ai theksoi se institucionet lokale do të vazhdojnë të jenë partnere të sektorit privat, duke mbështetur iniciativat që nxisin investimet, rritjen ekonomike dhe zhvillimin e qëndrueshëm, me qëllim krijimin e një klime sa më të favorshme për bizneset që kontribuojnë në mirëqenien e qytetarëve.

“Fundamenti” nuk është thjesht një kompani e suksesshme në industrinë e përpunimit të granitit, mermerit, quartz-it dhe qeramikës; ajo është një histori e ndërtuar mbi vizionin, cilësinë dhe përkushtimin e pandërprerë ndaj standardeve më të larta profesionale.

Nën drejtimin e Bashkim Halilit, një sipërmarrës i njohur për urtësinë, integritetin dhe korrektësinë në marrëdhëniet me partnerët dhe klientët, kompania është shndërruar në një model të biznesit modern kosovar. Rrugëtimi i saj dëshmon se suksesi nuk është produkt i rastësisë, por rezultat i punës së palodhur, investimeve të vazhdueshme në teknologji, inovacionit dhe një ekipi të disiplinuar që ndan të njëjtat vlera profesionale.

Sot, “Fundamenti” përfaqëson jo vetëm një lider në sektorin e tij, por edhe një ambasador të cilësisë dhe besueshmërisë së biznesit vendor, duke kontribuar në zhvillimin ekonomik të Kosovës dhe në forcimin e reputacionit të saj në tregjet rajonale dhe ndërkombëtare./rajonipress/