Hajvalia çohet në këmbë, i japin mbështetje të fuqishme Selim Pacollit dhe Koalicionit për Familje

Koalicioni për Familjen sonte e filloi fushatën elektorale me një atmosferë triumfuese dhe fishekzjarre në Prishtinë, konkretisht në lagjen Hajvalia.

Energjia pozitive dhe mbështetja e fuqishme nga qytetarët e kësaj zone dëshmuan rritjen e entuziazmit për këtë subjekt politik.

Ky ishte tubimi i dytë me mbështetje të madhe brenda ditës për Koalicionin për Familjen, pas një tubimi elektoral të suksesshëm të mbajtur pak orë më parë në Fushë-Kosovë.

Lideri i koalicionit Eman Rrahmani theksoi: “Atmosfera e fitores që u krijua sonte do të përhapet në mbarë Kosovën më 9 shkurt.”
Koalicioni për Familjen mbajti një tubim në Hajvali, ku morën pjesë qytetarë të shumtë dhe drejtues të rëndësishëm të koalicionit.

Gjatë këtij tubimi, përveç liderëve të koalicionit, Eman Rrahmani, Selim Pacolli, Ferid Agani dhe Fatmir Smajli, një mbështetje të fuqishme dhe të veçantë për koalicionin dha edhe kryetari i AKR-së, Behgjet Pacolli.

I pranishëm në këtë ngjarje ishte edhe ish-komandanti i Ushtrisë Çlirimtare të Kosovës, Adem Shehu, i cili theksoi se kishte ardhur enkas nga Shqipëria për të mbështetur Koalicionin për Familjen, pasi, siç tha ai, “familja është e shenjtë.”

Në fjalën e tij, Behgjet Pacolli theksoi rëndësinë e bashkëpunimit të fortë mes qytetarëve dhe koalicionit, duke garantuar një të ardhme më të mirë për familjet kosovare.

Ai theksoi mbështetje të plotë për kandidatët e koalicionit dhe apeloi qytetarët që të angazhohen fuqishëm për të mbështetur kandidaturat e koalicionit për deputetë në zgjedhjet e ardhshme.

Drejtuesit e koalicionit falënderuan qytetarët e Hajvalisë për praninë dhe angazhimin e tyre të jashtëzakonshëm, duke shprehur mirënjohje për mbështetjen që dhanë gjatë këtij tubimi, i cili ishte mbushur me entuziazëm dhe optimizëm. Ata theksuan se ky ishte vetëm fillimi i një fushate të fuqishme për mbrojtjen e interesave të familjeve kosovare dhe për një të ardhme më të mirë për vendin.

Gjatë tubimit, u prezantuan gjithashtu kandidatët për deputet nga Komuna e Prishtinës, të cilët do të paraqesin angazhimin dhe përkushtimin e tyre për zhvillimin e Kosovës dhe përmirësimin e mirëqenies së qytetarëve.

Koalicioni për Familjen mbetet i angazhuar për të ofruar një program politik që mbështet çdo familje dhe garanton përmirësimin e kushteve të jetesës për të gjithë qytetarët e Kosovës, thuhet në komunikatë.