Hajrush Ismajlit i ndahet mirënjohje, punoi mbi 23 vite në administratën e Gjilanit

Gjilan – Hajrush Ismajli për 23 vjet e 3 muaj shërbeu në komunën tonë duke dhënë kontribut të çmuar në ngritjen e administratës sonë pas luftës, pa harruar edhe kontributin e tij të çmuar në punën e përditshme në shërbim të qytetarëve ka thënë Kushtrim Kadriu.

Postimi i plotë:

Sot së bashku me asambleistin Latif Maliqin patëm kënaqësinë e veçantë ta presim në takim z. Hajrush Ismajlin, shefin e gjendjes civile të komunës sonë.

Hajrush Ismajli për 23 vjet e 3 muaj shërbeu në komunën tonë duke dhënë kontribut të çmuar në ngritjen e administratës sonë pas luftës, pa harruar edhe kontributin e tij të çmuar në punën e përditshme në shërbim të qytetarëve.

Ai ishte për një kohë edhe si kryetar i sindikatës së shërbimit civil të Gjilanit ku shërbeu në mbrojtjen e të drejtave të punëtorëve të shërbimit civil.

Për këtë kontribut, z. Mursel Zymberi, kryetar i sindikatës së shërbimit civil në nivel republike, i ndau mirënjohje për z. Hajrush Ismajlin.

Komuna nga kjo javë ka më pak një njohës të mirë të ligjit, ndërsa familja do të përfitoj më shumë nga familjari i vet.

Ismajlit i urojmë jetë të gjatë e pensionim të shëndetshëm pranë familjes së tij./rajonipress/