Hajdin Salihu transferi i ri tek FC Drita

Skuadra e Dritës ka vazhduar me përforcimet për stinorin e ri. “Bardhekaltërtit” sot kanë prezantuar mbrojtësin e ri të klubit, Hajdin Salihu i cili vjen nga Lokomotiva e Zagreb nga Kroacia.

Salihu pas dy viteve të kaluara në superligën kroate aventurën do ta vazhdojë në klubin e Dritës. Marrëveshja është arritur sot në mes të drejtori sportiv z. Valon Zymberi dhe z.Shpend Salihu, përfaqësues i lojtarit.

Klubi dhe lojtari kanë nënshkrua kontratë tre vjet dhe Salihu do të jetë bardh e kaltër deri në qershor 2026. Salihu para se të transferohej në Kroaci te Lokomotiva Zagreb, ka qenë pjesë e KF Llapi nga superliga jonë.