Hahn kërkon heqjen e taksës, paralajmëron vizitë gjatë qershorit në Prishtinë e Beograd

Komisionari i BE-së për Politikat Evropiane të Fqinjësisë dhe Negociatat e Zgjerimit, Johaness Hahn, ka kërkuar vazhdimin e dialogut Kosovë-Serbi, derisa i ka bërë thirrje edhe një herë Prishtinës zyrtare të heqë taksat ndaj mallrave serbe.

“Sa i përket dialogut Kosovë-Serbi, këto dy vende duhet të vazhdojnë. Kosova duhet të heqë tarifat për Serbinë dhe Bosnjën. Tarifat për Serbinë dhe Bosnjën, duhet të hiqen. Kosova duhet të fokusohet në zbatimin e marrëveshjen e MSA-së”, tha Hahn.

Ai këto komente i bëri me rastin e prezantimit të raportit të progresit për zgjerimin nga ana e Komisionit Evropian para Parlamentit Evropian.

Hahn madje paralajmëroj se do të qëndrojë për vizitë në Prishtinë dhe Beograd gjatë muajit qershor, për siç tha ai ” për të bërë përpjekje për të zhbllokuar këtë situatë, ndoshta për të përgatitur diçka për korrik”

Ai tha se nuk e di se a do të jetë e dobishme por do të përdorin çdo mundësi për të zhbllokuar këtë situatë që po pengon zhvillimin e dy vendeve. /Telegrafi/.