Hadërgjonaj vlerësohet më së larti në barazimin e skuadrës së tij

Kasimpasa dhe Yeni Malatyaspori janë ndarë baraz në kuadër të javës së 34-të në Superligën turke.

Ndeshja në mes të dy ekipeve u mbyll pa gola, 0-0.

Florent Hadergjonaj, u paraqit për 90 minuta, ndërkaq i plotë ishte edhe mesfushori shqiptar, Loret Sadiku.

Mbrojtësi i Përfaqësueses u vlerësua me notë të lartë 7.5 nga sajti i njohur ‘SofaScore’, njëherit nota më e lartë në këtë ndeshje.

Me notë të mirë u vlerësua edhe Sadiku, të cilit iu dha nota 7.1.

Jetmi Topalli nuk u paraqit fare për Yeni Malatyasporin, duke qëndruar gjithë ndeshjen në bankë rezervë.

Kasimpasa është në vendin e 15-të me 36 pikë në 33 ndeshje të zhvilluara, ndërkohë Malatyaspori është një pozitë më poshtë me dy pikë më pak. /Zeri.info

Shpërndaje.
© RAJONIPRESS