Hadërgjonaj tregon pse e zgjodhi Kasimpasan

/ 3 minuta lexim

Florent Hadërgjonaj ka folur për herë të parë si lojtar i Kasimpasas, duke thënë se qendrat e mira stërvitore dhe bisedimet me shokët e tij që luajnë në Turqi dhe me Loret Sadikun kanë bërë që ai ta zgjedhë huazimi te klubi turk.

Mbrojtësi anësor kosovar i Huddersfieldit, Florent Hadërgjonaj, i është bashkuar klubit të Superligës turke, Kasimpasa, në formë huazimi deri në fund të sezonit, transmeton Gazeta Express.

Mediat britanike kishin raportuar se një numër i klubeve ishin interesuar për transferimin e 25-vjeçarit, mirëpo klubi turk kishte qenë më i shpejtë në negociata dhe e siguroi huazimin e Hdërgjonajt.

“Së pari, faleminderit shumë për këtë pritje të ngrohtë. Që nga fillimi, që kur i kemi filluar negociatat, janë ndierë shumë rehat. Kemi pasur biseda të mira. Ishte një proces i gjatë, që të jem i sinqertë, zgjati disa dita, por tani është më mirë”, ka thënë Hadërgjonaj.

“Jam shumë i lumtur që jam këtu dhe që më në fund u arrit transferimi. Kjo është hera ime e parë këtu [Stamboll], por kam dashur gjithmonë ta vizitojë Stambollin. Është një qytet i mrekullueshëm. Tani që do të luaj në këtë qytet, ndoshta do të mund të dal t’i vizitojë disa vende”.

“Kam folur me disa shokë që luajnë në ligën turke dhe që e njohin Kasimpasan më mirë sesa unë. Kam folur edhe me Loret Sadiku dhe ai më tha se qendra stërvitore është shumë e mirë. Por, tani jam shumë i befasuar kur po e shoh me sytë e mi”.

Mobi Casa

“Ky klub u jep lojtarëve mundësi të përmirësohen, s’kam pasur kurrë më parë në jetë qendër stërvitore, është shumë profesionale dhe kemi gjithçka këtu. Jam shumë i lumtur që jam këtu”.

“Kjo është një periudhë e vështirë, jo vetëm për lojtarët, por edhe për tifozët. Nuk është e lehtë, por shpresoj se ata do të vazhdojnë të na përkrahin dhe të na nxisin sepse ne e dimë se kemi nevojë për ta. Tani ne lojtarët duhet t’i marrim pikët dhe t’i gëzojmë tifozët, të cilët janë gjithmonë këtu për ne”.

Kosovari 25-vjeçari fillimisht i ishte bashkuar Huddersfieldit në formë huazimi nga Ingolstadt në gusht të vitit 2017, para se të kalonte aty në mënyrë permanente në vitin 2017.

Ai i ka bërë 73 paraqitje për Huddersfieldit gjatë kësaj kohe, mirëpo nuk ka luajtur si titullar për klubin e nivelit të dytë të futbollit në Angli që nga 26 dhjetori, pasi e humbi vendin në skuadrën e trajneri Danny Cowley shkaku i Juninho Bacunas dhe Danny Simpsonit.

Futbollisti i lindur dhe rritur në Zvicër pritet të luajë së paku deri në verë në Superligën turke. 25 vjeçari synon të luajë në vazhdimësi në Turqi, në mënyrë që të jetë i gatshëm për Përfaqësuesen e Kosovës, për ndeshjen ndaj Maqedonisë së Veriut në Ligën e Kombeve.

Ndërkohë, Kasimpasa radhitet në pozitën e 16-të në Superligën turke dhe drejtuesit e klubit e shohin Hadërgjonajn si shtesë të rëndësishme në skuadër për ta arritur mbijetesën në ligën elitare të futbollit në Turqi. /Gazeta Express/