Hadergjonaj në mesin e më të mirëve

Kampionati anglez Liga Premier ka përfunduar me Manchester Cityn kampion të shtetit.

Por skuadra kampione e Anglisë e ka në radhët e veta edhe mbrojtësin e djathtë më të mirë në ligë.

Reprezentuesi anglez Kyle Walker është zgjedhur si mbrojtësi i djathtë më i mirë në Ligën Premier.

Pas tij vije mbrojtësi i Burnleyt, Matthew Lowton ka zënë pozitën e dytë, ndërsa Antonio Valencia është në pozitën e tretë.

Florent Hadergjonaj (Getty Images)

Risi në këtë listë është përfshirja e Florent Hadergjonajt, mbrojtësit të djathtë nga Kosova.

Në vitin e tij të parë në Angli, Hadergjonaj ka shkëlqyer duke ndihmuar skuadrën e tij Huddersfield ta siguroj mbijetesën.

23-vjeçari ka zhvilluar 23 ndeshje këtë edicion në Ligën Premier ku ka arritur të bëjë dy asistime.

Huddersfield e bleu Hadergjonajn vitin e kaluar nga Ingolstadt për pesë milionë euro. /Telegrafi/