Habit modelja Sara Gjoka: Më kanë ndjekur me makinë për të më…

E ftuar në “Live From Tirana” me Ronaldo Sharkën, ka qenë modelja Sara Gjoka. Ajo ka folur më shumë mbi mënyrën se si njihen sot të rinjtë, por duke zbuluar edhe disa detaje nga jeta e saj private…

Xhirot me makina në Tiranë, a mund t’i konsiderojmë terren flirtimi?

Gjoka: Ajo është totalisht një terren flirtimi. Është gjëja që më bezdis më shumë, më irriton shumë. Ndodh ende dhe sot dhe është efektive për shumë të rinj. Kudo mund të shohësh në Tiranë trafik të martën në darkë, vetëm për këtë arsye. Në zona specifike, tek sheshi, në Bllok…

Të ka ndodhur të të ndjekë dikush me makinë duke të të ngacmuar?

Gjoka: Më ka ndodhur shumë shpesh. Kam qenë duke darkuar në një restorant dhe që kur jam çuar, kam dërguar dy shoqe me makinë në shtëpi dhe ajo makina ishte gjithë kohën mbrapa meje. Unë e kam kuptuar shumë vonë, pasi e pashë që ajo makina kishte të njëjtën rrugë si ne, derisa arrita në destinacionin e fundit që ishte shtëpia ime. Nuk e futa në rrugicën time kur e pashë që po më ndiqte.

Derisa qëlloi një rrugë që nuk kishte më ku të shkonte dhe i thashë: “Të lutem, e kam vënë re që po më ndjek, por mos më ndiq më!” Doli nga makina dhe erdhi më foli, më kërkoi një kontakt. Ishte një gjë shumë e bezdisshme dhe u mundova ta merrja me të qeshur, me atë mirësinë time, por nuk ke çfarë i bën.