Fundamenti

Gucati shkruan nga Haga për vdekjen e babait: As plumbi s’më dha aq dhimbje sa lajmi që s’më paske pritë

/ 2 minuta lexim

Ish-kreu i Organizatës së Veteranëve të Luftës së Ushtrisë Çlirimtare të Kosovës, Hysni Gucati, ka shkruar një letër nga burgu në Hagë, ku po mbahet tash e mbi 1 vit e gjysmë, kushtuar babait të tij, i cili vdiq të premten.

Përmes një kësaj letre e cila është publikuar nga djali i tij, Musli Gucati, ai ka shprehur dhimbje për humbjen e të atit.

Aty Hysni Gucati shkruan se babanë e kishte shok lufte, shok shpirti e shok lirie.

Letra e plotë pa ndërhyrje:

Babë sot nuk i paske prit shokët si çdo herë tjetër

Me thanë që portreti ytë i priti të dera,

të ajo derë e shpisë që sditi kurrë me u mbyll

Që edhe Kur kulluan gjak plagët bashkë i kemi ndrydhë,

Unë plagët e tua e ti plagët e mia

Duke qesh me thojshe kështu bir e don liria

UBT

Shumë herë Shokve ni fjalë jau ke thanë

Ta kisha plumbin që ka Hysi në trup

Kurrë nuk e kisha larguar, kujtim të lirisë e kisha lanë

Eh ta kisha ditë që ky plumb nuk me dha aq dhimbje

Sa dhimbje me dha lajmi që nuk me paske prit

Të kisha shok lufte shok shpirti e shok lirie

Pusho Babë në amshim larg çdo padrejtësie.

Ndryshe, Avdullah Gucati, babai i ish-kreut të OVL-UÇK-së, Hysni Gucatit, u varros të shtunën, në prani të një numri të madh të qytetarëve, në fshatin Morinë të Skenderajt.

Hysni Gucati mungoi në ceremoninë e varrimit, por ditë më parë ishte për vizitë në Kosovë për shkak të gjendjes së rënduar që kishte babai i tij. /Telegrafi/