Gruri nga deponia, OK!

Rezultatet e analizave dolën. Gruri i kultivuar në zonën e quajtur fusha e palosjes së hirit të Korporatës Energjetike të Kosovës mund të nxirret në treg. Agjencia Ushqimit dhe Veterinës (AUV) pas shumë vonesave ka dalë me rezultatet se gruri i mbjell aty është i sigurt për konsum.

Por zyrtarët e KEK-ut nuk do të lejojnë korrjen e 15 hektarëve grunajë që dyshohej se ishte e kontaminuar.

Ata kanë shtuar masat e sigurisë ta parandalojnë futjen e kombajnave në këtë zonë industriale, në të cilën nuk lejohet mbjellja e kulturave bujqësore.

Njohës të bujqësisë thonë se mbjellja në zona të tilla e sidomos në deponi të hirit është e ndaluar, për shkak të rrezikut që paraqesin mbetjet e metaleve të rënda (Tribuna).