Grupmoshat e KF Gjilani U15 Kampion të Kosovës

Gjilan – Strukturat udhëheqëse të KF Gjilanit po dëshmojnë se me të madhe ju kanë kushtuar vëmendje grup moshave të reja brenda klubit të tyre, një rezultat i tillë ka bërë që grup moshat U15 të KF Gjilanit të bëhen kampionë të Republikës së Kosovës në futboll.

Siç bënë të ditur drejtori i KF Gjilanit, Bekim Rexhepi kjo është një arritje e madhe e KF Gjilani.
“Jemi të kënaqur me punën që është duke u bërë me grup moshat e reja brenda klubit tonë kjo po dëshmon se jemi duke punuar në mënyrë profesionale dhe në shtigje të gjata, këta talent të futbollit do të jenë ardhmëri jo vetëm e klubit tonë por edhe atij Kosovar, nuk na mbetet tjetër vetëm ti përgëzojmë për lojërat dhe edukatën sportive të cilën e kanë treguar gjatë tërë edicionit të garave”.

Djelmoshat “kuq e bardh” në finale kanë mposhtur skuadrën Banjën e Pejës me rezultat 3-1 duke treguar futboll mjaftë cilësor.

Me plot meritë KF Gjilani U15-të sjellë Kupën e Kosovës në qytetin e Gjilanit.
“Gjatë tërë garave kemi dëshmuar se jemi skuadër cilësore me disa talent të jashtëzakonshëm jam shumë krenar me këta djelmosha me paraqitjen e tyre ne fushat e futbollit kjo gjeneratë e këtyre djelmoshave pasi një kohe shumë të shkurt do ta thotë fjalën e saj në futbollin e Kosovës”, bënë të ditur trajneri i mirënjohur, Sadullah Ajeti./rajonipress/