“Grupit të Ferizajit”, Gjykata e Gjilanit i shqipton 11 vite e dy muaj burgim

Gjilan – Gjykata Themelore në Gjilan ka dënuar dhe shpallur fajtor Arben Latifin me 5 vite e 1 muaj burgim, Besnik Idrizin me 5 vite dhe Visar Çukovcin me 1 vit e 1 muaj burgim.

Gjykata Themelore e Gjilanit e kryesuar nga gjykatësja Emine Salihu ka dënuar dhe shpallur fajtor grupin e Ferizajit i akuzuar për “armëmbajtje pa leje”, “rastet e rënda të grabitjes” dhe”transportimi dhe furnizimi i armëve”, raporton rajonipress.

Duke shpallur aktgjykimin Emine Salihu tha se tre të akuzuarit Arben Latifi i dënuar me 5 vite e 1 muaj, Besnik Idrizi me 5 vite dhe Visar Çukovci me 1 vit e 1 muaj janë fajtor sepse tek ata janë kapur armatim i rëndë duke përfshirë dy kallashnikov, dy granata, dy snajper, dorëza, maska, dy revole etj.

Sipas aktakuzës që e ka ngritur prokurori Arben Kadriu ky grup armatimin e kishte bartur nga një veturë me tabela të Pejës.

Ndryshe Gjykata Arben Latifit dhe Besnik Idrizit u ka vazhduar masën e paraburgimit ./rajonipress/