Grumbullohen 921 libra

Gjilan – Në përkrahje të aksionit vullnetar të Organizuar nga Distribucioni i energjisë elektrike KEDS me moton “Dhuro një libër, Dhuro dituri” – shoqata kulturore “Drita“ e Gjilanit organizoi një mbrëmjeje letrare- humanitare me krijuesit e Anamoravës dhe të Kosovës Lindore.

Shoqatës kulturore “Drita” e Gjilanit,mbrëmë organizoi mbrëmje letrare me krijuesit e regjionit të Anamoravës dhe të Kosovës Lindore,( prezent ishin përfaqësuesit e klubeve letrare të Gjilanit, Dardanës, Bujanocit dhe Preshevës) të cilët iu bashkëngjiten aksioni vullnetar të distribucionit të KEDS-it për grumbullimin e librave me moton “DHURO NJË LIBËR, DHURO DITURI”, për të pasuruar bibliotekën e një shkolle të re.

Tubimin e mbrëmshëm letrar, të cilin me sukses e moderoi Hysen Këqiku, krijues e përshkroi një ndjenjë humaniteti nga të gjithë pjesëmarrësit, të mbi 70 krijuesve, të cilët jo vetëm që mbështetën aksionin por edhe me Leximin e poezive të tyre krijuan një atmosferë të mirë sa që vetëm krijuesit dijnë ta bëjnë e krijojnë atë.

Aksionet e tilla vullnetare e sidomos ky i dhuruesve të librave na e shtojnë edhe më tepër diturinë nga se një libër më shumë e bënë njeriun më të madh, ndërsa disa libra e rrisin edhe më tepër, ndërkaq Biblioteka më e madhe aq më madhështore është edhe shoqëria, prandaj duke dhuruar libra ne i rrisim vlerat, njohuritë dhe begatitë tona, theksoi në fjalën hyrëse Husen Këqiku krijues.

Në fjalën përshëndetëse organizatori i kësaj mbrëmjeje Zotëri Zekirja Abdullahu, falënderoi krijuesit prezent që pa hezitim iu përgjigjen këtij aksioni dhe falë juve të gjithëve ne sot mund të pasurojmë ndonjërën nga bibliotekat e një shkolle me 921 ekzemplarë librash të zhanreve të ndryshme që gjithsesi do i ndihmojmë nxënësit që të kenë qasje e mundësi të nxënies sa më të madhe të diturisë në shkollat tona. Edhe unë ndihem krenar me ju krijues të nderuar, por edhe me atë që jam pjesë e kësaj kompanie dhe një stafi të tillë që dijes mbi të gjitha i kushton rëndësi,tha ndër të tjera z. Zekirjahu.

Fjalë miradie në përkrahje të këtij aksioni kishin të gjithë krijuesit, të cilët pos dhurimit të librave theksuan se aksioni është shumë i qëlluar dhe se ai duhet të vazhdojë dhe grumbullimi i librave të bëhet nga të gjithë ata që posedojnë libra e që nuk u hyjnë në përdorim apo që kanë ekzemplarë të dyfishtë.

Pos krijuesve të Anamoravës dhe Kosovës lindore prezent ishin edhe shkrimtarë, profesorë, pedagogë, përfaqësues të institucioneve edukativo-arsimore të Gjilanit, gazetarë, pastaj përfaqësues të subjekteve politike e të tjerë. Kështu kryetari i lëvizjes për Drejtësi , Sylejman Qerkezi, pasi përshëndeti të pranishmit me një falënderim për organizatorin, përkrahi këtë aksion vullnetar për grumbullimin e librave dhe kjo është një nxitje për të vazhduar aksionin edhe më tej sepse libri është mjet i pasurisë së diturisë për të gjithë njerëzit e secilës moshë e sidomos për të rinjët tanë.

Ndërkaq në fjalën e tij Drejtori i distribucionit të energjisë elektrike-KEDS, z. Zafer Jillmaz , potencoi se përkundër asaj që energjia elektrike është një faktor shumë i rëndësishëm për industri e edhe për jetesë, ne jemi këtu jo vetëm për rrymë elektrike por edhe që të ndihmojmë popullatën e këtij vendi me aksione e forma të ndryshme. Kështu për këtë aksion mua më lindi ideja që grumbullimin e librave së pari ta organizoi në mesin e punëtorëve të KEDS-it e përse jo që këtij aksioni t`i bashkëngjiten edhe ata që dëshirojnë të kontribuojnë dhe ndihmojnë aksionin. Me punëtorët tanë kemi organizuar edhe shumë aksione të tjera në kuadër të KEDS-it si: Aksionin për gëlqerosjen, rivitalizimin e enterierit të shkollës Fillore “Fan,S. Noli” në Dardanë, i zhvilluar para pak dite, aksion ky që do vazhdojë edhe nëpër shkolla të tjera . Këtë punë vullnetarisht e kanë bërë vet punëtorët e KEDS-it, duke i hequr edhe shpenzimet për blerjen e ngjyrave dhe çdo që ishte e nevojshme për të përfunduar me sukses punën në shkollën e përmendur.

Poashtu pak më parë kemi dhuruar katër shkollave të kësaj ane nga dhjetë kompjuterë, me çka edhe i kemi ndihmuar në kompletimin e kabineteve të informatikës në ato shkolla. Edhe ky aksion sikur se aksionet e përmendur do vazhdojnë dhe të kenë hov më të madh që nga shtatori me fillimin e viti të ri shkollor.

Mbrëmja letrare nuk ishte vetëm në grumbullimin e librave por Këshilli organizativ u dhuroi libra disa krijuesve veteran-përfaqësuesve të klubeve letrare të komunave të regjionit të Anamoravës dhe të Kosovës lindore.

Në fund organizatori shtroi iftar për të pranishmit e kësaj mbrëmjeje kulturore letrare./islam osmani/rajonipress/