Grezda drejt largimit nga Skocia, transferohet në Francë

Pas sezonit jo shumë të mirë në radhët e Glasgow Rangers, e ardhmja e Eros Grezdës mund të jetë në kampionatin francez të futbollit.

Sikurse raporton “Scottish Sun” për të interesohen Stade Brestois që do të luajë këtë vit në Ligue 1 dhe Dijon.

Grezda u transferua vitin e kaluar në radhët e gjigantëve skocez por nuk ka mundur të bindë Steven Gerrard t’i japë minuta për të luajtur.

Klubi skocez për të larguar anësorin e talentuar do të pranonte jo më pak se 1.5 milionë funte pasi shpenzoi 2 milionë të tillë për transferimin e tij nga Osijeku.

Mbetet për t’u parë se çfarë do të ndodhë por lojtari i Kombëtares shqiptare mund të përshëndesë kampionatin skocez vetëm pas një viti që ka luajtur në të.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).