“Trëndafilat” mban titullin kënga më e re e Greta Koçit, të cilën e ka kompletuar edhe nga ana vizuale.
Edlir Begolli është kujdesur për muzikën dhe e ka shkruar tekstin e këngës që është produkt i United Records.
Për anën vizuale është kujdesur MAX Production që e ka xhiruar videoklipin e këtij projekti.
Duke qenë se është kënga për trëndafilat edhe në videon muzikore dominon ngjyra e kuqe dhe një fustan të tillë ka të veshur edhe Greta.
Ndryshe, ribërja e këngës “Dola n’penxhere” është një nga realizimet më të fundit të këngëtares. /Telegrafi/
