Një projekt i ri muzikor duket se po vjen edhe nga këngëtarja Greta Koçi.
Artistja nga Shqipëria përmes një imazhi të publikuar në rrjetin social, Instagram, ka njoftuar admiruesit e muzikës së saj se po vjen me këngë të re.
Imazhi në fjalë shfaq dukjen glamuroze të 28-vjeçares, derisa zbulon se kënga e saj e re mban titullin “Për ty po pi”.
“Për ty po pi, së shpejti”, ka shkruar këngëtarja Koçi në postimin e ndarë me fansat e saj.
Në qershor të këtij viti Greta po ashtu solli bashkëpunimin me Ramadan Krasniqin – Danin, e njëherësh ky mbetet edhe projekti i fundit i publikuar nga ajo, i cili në platformën YouTube ka kaluar shifrën e një milionë klikimeve.
Ndryshe, këngëtarja Koçi vazhdon të jetë një nga emrat më të dashur për publikun, edhe pse tashmë numëron disa vite në skenë, por që nuk ka dyshim se ka rrëmbyer zemrat e publikut me projektet e veçanta që ka sjellë. /Telegrafi/
