Greta e ka gati videoklipin e ri muzikor

Greta Koçi i ka njoftuar fansat e saj se tashmë e ka gati këngën e re, të cilën do ta publikojë së shpejti.

Përmes një postimi në rrjetet sociale, ajo ka bërë të ditur se ka përfunduar edhe xhirimi i videoklipit, ndërsa shpreson që kënga e re të pëlqehet.

“Kënga e re është gati… Klipi tashmë përfundoi. Uroj që të jetë kënga më e dashur për ju”, ka shkruar këngëtarja në Instagram.

Më pas, ajo i ka pyetur ndjekësit e saj: “Sa nga ju po e presin këngën e re?!”.

Një prej projekteve më të fundit të Gretës, ishte bashkëpunimi me Genc Prelvukajn, “Nuk ka dashni”, që u publikua në muajin qershor e që numëron gjashtë milionë shikime në YouTube.

Ndërsa në javët e fundit, këngëtarja ka publikuar disa fotografi në rrjetet sociale që vënë në pah bukurinë e saj.

Ajo është shfaqur me veshje të ndryshme duke bërë rolin e modeles në formë të një seti fotografik dhe natyrisht se ka marrë pëlqime të shumta.

Greta ka reklamuar fustane të ndryshme që rrinin shumë mirë të trupin e saj. /Telegrafi/