Gresa Behluli vjen me potpuri moderne për festat e fundvitit

Në prag të festave të fundvitit artistët janë kujdesur që të vijnë me projekte të reja për adhuruesit e këngëve të tyre.

Shumë këngë të reja e kryesisht potpuri popullore u servuan për publikun disa javë para ndrrimit të moteve, shkruan GazetaExpress.

Ndryshe nga kolegët e saj, Gresa Behluli solli një potpuri me këngë moderne dhe jo popullore.

Këngëtarja e njohur ka zgjedhur disa këngë të Sabri Fejzullahut dhe Bedri Islamit, ndërsa i ka sjell ato në një mënyrë shumë të veçantë.

Këngëtarja përmes rrjeteve sociale ka falënderuar artistët dhe kompozitorin e këtyre këngëve Xhevdet Gashin duke treguar se për këtë potpuri ka edhe lejen e tyre.

Ndryshe këngët janë realizuar edhe me video ku Gresa duket mjaft bukur dhe e kuruar në çdo detaj për këtë paraqitje./GazetaExpress/