Grenell jep detaje shtesë nga takimi i 4 shtatorit: Emri i Ujmanit përplasi fort Kosovën e Serbinë

Liqeni i Ujmanit në veri të Kosovës, pritet që në të ardhmen edhe zyrtarisht të quhet “Liqeni Trump”.

Ky propozim është dhënë në takimin e 4 shtatorit mes Kosovës dhe Serbisë në Uashington.

Emisari Special i SHBA-ve për dialogun, Richard Grenell ka treguar se në fakt për emrin e Liqenit të Ujmanit, në takimin e 4 shtatorit ka pasur përplasje të ashpra mes Kosovës dhe Serbisë.

“Ishte një luftë e pabesueshme për emrin e liqenit. Unë thash me shaka që thjeshtë të quhet Liqeni Trump. Unë nuk doja të zemëroja njërën apo tjetrën palë”, ka thënë ai.

Siç ka treguar Grenell, palët insistonin që liqeni të emërtohej në gjuhët respektive të tyre.

Grenell ka thënë se SHBA-të, në këtë liqe dëshirëojnë të krijojnë vende pune dhe energji, dhe se dy delegacionet, ai i Kosovës dhe Serbisë janë pajtuar që SHBA-të të dërgojnë atje ekipin e fizibilitetit.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).