Gratë e LDK-së në Viti mobilizohen për fitoren e Sokol Halitit

Gjilan – Forumi i Gruas së LDK-së Dega në Viti, po vazhdon punën dhe mobilizimin e strukturave të nëndegëve që me 3 nëntor LDK-ja dhe kryetari Sokol Haliti të dalin fitimtar tha Fatbardha Emini.

Forumi i Gruas së LDK-së në Viti po bënë vizita të shumta tek anëtarësia e saj dhe qytetarët e Vitisë me të vetmin qëllim që të njihen me programin e LDK-së dhe në veçanti me programin e Gruas së LDK-së e cila do e mbështes maksimalisht kandidatin e saj për kryetar komune në Viti Sokol Halitin.

Kryetarja e Degës së FLDK-së në Viti, Fatbardha Emini i garantoj të pranishmet se me fitoren e LDK-së dhe të Kryetarit Sokol Halitit, gruaja do ta ketë vendin e merituar , ku nga kjo keq qeverisje vazhdimisht ka vazhduar të shkelen të drejtat e saj, sidomos në pozitat vendimmarrëse, ku sot administrata e kësaj keq qeverisje nuk ka as një grua në pozita udhëheqëse, dhe kjo na bën të ndihemi të ofenduara dhe të diskriminuara, andaj me ardhjen në pushtet të Sokol Halitit ju garantoj se barazia gjinore do të respektohet deri në 50 %” ka thënë Emini.

Lirije Kajtazi uroj fitoren e LDK-së në Viti dhe u bëri thirrje grave që për Kuvendin Komunal të votohet gruaja sa ma shumë, se vetëm kështu të bashkuara do të arrimë atje ku ne dëshirojmë të gjithë fitoren e LDK-së. /rajonipress/