Të shumta janë gratë amerikane, të cilat përballen me bisturinë dhe ëndërrojnë të kenë krahët e bukura si të Michelle Obamës, bënë të ditur mjekët kirurgë duke shtuar se këto ndërhyrje janë shtuar shumë që nga viti 2000.
“Ndërhyrjet estetike në krah janë shtuar që nga viti 2000 dhe rreth 15 000 gra janë operuar vitin e kaluar”, theksuan mjekët kirurgë.
Një sondazh tregon se femrat amerikane pëlqejnë krahët e Michelle Obamës, bashkëshortja e presidentit dhe ato të aktoreve Jennifer Aniston, Jessica Biel dhe Demi Moore.
“Moda e këtyre ndërhyrjeve mund të shpjegohet vetëm me këtë arsye. Ne jemi nën ndikimin e njerëzve, që shohim gjatë gjithë kohës”, deklaroi David Reath, mjek kirurg,transmeton bw.
“I shohim dhe themi, po, unë dua të bëhem si ajo”, theksoi Reath.
