Granit Xhaka paralajmëron Arsenalin rreth strategjisë së tyre të transferimeve

Granit Xhaka mund ta ketë futur vetën në probleme të reja te Arsenali, pasi e ka kritikuar strategjinë e tyre të transferimeve.

Mesfushori shqiptar me nënshtetësi zvicerane ka thënë se The Gunners nuk duhet të shesin Pierre-Emerick Aubameyangun në këtë verë.

Sulmuesi goabonez lidhet me një largim nga skuadra londineze, e Xhaka thotë se do të ishte një humbje e madhe për skuadrën.

“Nëse ndodhë shitja e Aubameyangut, natyrisht se do të ishte një humbje e madhe për klubin”, ka thënë ai për SportBild.

Aubameyang ka qenë vendimtar në sistemin e lojës së Arsenalit, mirëpo ai po e kërkon largimin, pasi qëllimet e klubit ende nuk janë për të fituar trofe.

Gunners ndër vite kanë bërë biznes me shitjen e lojtarëve, duke acaruar tifozët e tyre që nuk e kanë fituar Ligën Premier për pothuajse gati dy dekada. /Telegrafi/